Fotile 方太正式登陸咗香港啦！講到方太第一時間一定係會諗到佢啲抽油煙機啦！專注廚電領域，以抽油煙機起家嘅佢，對於抽油煙機嘅設計同品質一直都有極高嘅標準。今日我會同大家介紹嘅就係我身邊呢部Fotile 方太 JQG9009X 傾斜式抽油煙機。

Fotile 方太 JQG9009X 傾斜式抽油煙機

 

今日我會同大家介紹嘅就係我身邊呢部Fotile 方太 JQG9009X 傾斜式抽油煙機。


 

介紹 Fotile 方太 JQG9009X 傾斜式抽油煙機

規格方面，Fotile 方太 JQG9009X 傾斜式抽油煙機高635mm 闊440mm 長900mm

採用直流變頻摩打，擁有最高每小時達1440立方米強大排風量，可以有效去除油煙同異味，佢黑色嘅強化玻璃面板，外觀設計簡約得嚟又時尚，無論咩風格嘅廚房都可以輕鬆融入！

加上佢有2盞LED燈，就唔洗擔心煮嘢食嘅時候光線唔夠，睇唔清楚啲嘢食煮成點！

佢嘅加速直吸直排技術，利用580mm嘅黃金距離去吸油煙，喺油煙啱啱產生嘅階段就可以實現快速吸排。

佢仲帶有自動隔煙屏，等用家可以調整唔同角度去應對唔同情況。

另外，佢45度嘅面板形成咗一個完美嘅「四點一線直吸直排」，可以更加精準咁捕捉油煙，即使係爆炒香煎嘅菜式，都可以搞掂晒啲油煙！

 

操作方面，呢部 Fotile 方太傾斜式抽油煙機使用智能LED屏幕，能夠準確顯示實時狀態同時間

配合埋手勢控制系統，用家只需要揮一下手，就可以輕鬆操控開關同其他設定，唔洗擔心炒菜嗰陣隻手油淋淋整污糟控制面板，可以盡情享受烹飪嘅樂趣！

佢採用可拆式油網，令清潔程序更方便更慳力，加上一體成型嘅內腔，有效分離油煙，只係需要用布抹一抹就已經乾淨。

油杯方面，佢嘅超大可視化油杯，可以俾用家時刻睇到已經積聚嘅油脂容量。油杯倒一次就可以連續用好長時間，令清洗時間大大減少！

Fotile 方太 JQG9009X 傾斜式抽油煙機內建鸚鵡螺風道同變R蝸舌設計，透過主動降噪原理，令油煙機噪音控制降低至61分貝，靜音效果非常明顯㗎！